📰 રાજકોટમાં દુઃખદ અકસ્માત: ગુલાબ વિહાર રોડ પર બાઈક ચાલકે 6 વર્ષની બાળકી ને હડફેટે લીધી, CCTV સામે આવ્યું

રાજકોટ શહેરમાં ફરી એક વખત બેદરકારીના કારણે અકસ્માતની ઘટના સામે આવી છે. ગુલાબ વિહાર રોડ પર બાઈક ચાલકે 6 વર્ષની નાની બાળકી ને હડફેટે લીધી હોવાની ઘટના સામે આવી છે. સમગ્ર બનાવ નજીકના CCTV કેમેરામાં કેદ થયો છે, જેના દ્રશ્યો હાલ સોશિયલ મીડિયામાં વાયરલ થઈ રહ્યા છે.

માહિતી મુજબ, બાળકીના દાદા રોડ ક્રોસ કરી રહ્યા હતા. એ દરમિયાન તેમની પાછળ બાળકી અચાનક દોડી આવી હતી. ત્યારે જ ઝડપથી પસાર થતો બાઈક ચાલક સમયસર કંટ્રોલ ન રાખી શકતાં બાળકી સાથે અથડાયો હતો.

અકસ્મતમાં બાળકીના માથા અને આંખના ભાગે ગંભીર ઈજા થવાની આશંકા ઉભી થઈ હતી, પરંતુ સદનસીબે મોટી દુર્ઘટના ટળી ગઈ હોવાનું કહેવાઈ રહ્યું છે. હાલ બાળકીની સારવાર ચાલુ છે.

આ ઘટનામાં માતા-પિતાની લાપરવાહી પણ સામે આવી રહી છે, કારણ કે બાળકીને પૂરતી દેખરેખ વગર રોડ પર જવા દેવામાં આવી હતી. સાથે જ બાઈક ચાલકની બેદરકારી પણ અકસ્માતનું કારણ બની હોવાનું માનવામાં આવી રહ્યું છે.

⚠️ અટલ સરોવર પાસે સ્ટંટબાજીનો વીડિયો વાયરલ

બીજી તરફ, રાજકોટના અટલ સરોવર પાસે એક યુવાન ગાડી પર બેસીને જોખમી સ્ટંટ કરતો વીડિયો સોશિયલ મીડિયામાં વાયરલ થયો છે. જાહેર રસ્તા પર આવા સ્ટંટ શહેરની ટ્રાફિક સુરક્ષા માટે ખતરનાક સાબિત થઈ શકે છે.

🚨 પોલીસ કાર્યવાહી માટે માંગ ઉઠી

શહેરમાં વધતા અકસ્માત અને સ્ટંટના બનાવોને લઈને લોકોમાં ચિંતા વધી રહી છે. સ્થાનિકોએ આવી બેદરકારી સામે કડક કાર્યવાહી કરવાની માંગ કરી છે.

👉 રાજકોટમાં સતત વધી રહેલા આવા બનાવો ટ્રાફિક નિયમો અને સુરક્ષા અંગે ગંભીર પ્રશ્નો ઉભા કરી રહ્યા છે.

Author: Rajkot ki Aawaz