દાહોદ: માતાએ ત્રણ સંતાનો સાથે ઝેર ગટગટાવી આત્મહત્યાનો પ્રયાસ કર્યો છે. દાહોદ નજીક મધ્યપ્રદેશના અદવાડા ગામમાં હચમચાવતી ઘટના સામે આવી છે. મહિલા અને તેના સંતાનોને દાહોદની ઝાયડસ સિવિલ હોસ્પિટલ ખસેડાયા હતા. સારવાર દરમિયાન ત્રણેય સંતાનોને ન બચાવી શકાયા. માતા હાલ હોસ્પિટલમાં સારવાર હેઠળ, સ્થિતિ ગંભીર છે. અજ્ઞાત કારણોસર મહિલાએ આત્મહત્યાનું પગલું ભર્યું. બનાવ અંગે મધ્યપ્રદેશ પોલીસ દ્વારા કાર્યવાહી હાથ ધરાઈ.
મુંબઈના મુલુંડમાં મેટ્રોના થાંભલાનો એક ભાગ તૂટી પડ્યો, અનેક વાહનો દબાયા
મુંબઈના મુલુંડ (પશ્ચિમ)માં એલબીએસ રોડ પર નિર્માણાધીન મેટ્રોના થાંભલાનું સિમેન્ટનું માળખું ધરાશાયી થયું, જેમાં ચાર લોકો ઘાયલ થયા. ઘટના બાદ, ફાયર બ્રિગેડ, પોલીસ અને એમ્બ્યુલન્સ ટીમોએ ઘટનાસ્થળે બચાવ કામગીરી શરૂ કરી.
Baroda Cricket Associationની ચૂંટણી જંગ રોમાંચક બની છે. આ વર્ષે BCAની ચૂંટણીમાં જાણીતા ક્રિકેટર Irfan Pathan પણ કૂદ્યા છે અને પોતાના સત્યમેવ જયતે ગ્રુપને ખુલ્લું સમર્થન આપ્યું છે. ઈરફાન પઠાણે BCAમાં પરિવર્તન લાવવા માટે સભ્યોને અપીલ કરી છે. તેમણે સોશિયલ મીડિયા પર વીડિયો પોસ્ટ કરીને કહ્યું કે, “બરોડાનું ક્રિકેટનું સ્તર ખૂબ નીચે ગયું છે” અને “બિનઅનુભવીને સિલેક્શન કમિટીના ચેરમેન બનાવી દેવામાં આવે છે”. ઈરફાનના દાવા મુજબ, BCAના પદાધિકારીઓને સલામ ભરો તો જ જોબ મળે છે. બરોડા ક્રિકેટ એસોસિએશનની ચૂંટણી આવતીકાલે યોજાવાની છે, જે તમામ ક્રિકેટપ્રેમીઓ માટે મહત્વપૂર્ણ બનેલી છે.
