બોલીવુડના સુપરસ્ટાર Salman Khan ફરી એકવાર નવી અને અનોખી ભૂમિકામાં જોવા મળી શકે છે. મળતી માહિતી અનુસાર, પ્રખ્યાત ફિલ્મમેકર જોડી Raj Nidimoru અને Krishna D.K. તેમની આગામી ફિલ્મ માટે સલમાન ખાન સાથે કામ કરવાની તૈયારીમાં છે. આ ફિલ્મ એક અલગ પ્રકારની સુપરહીરો કોમેડી હોવાની ચર્ચા છે.
રિપોર્ટ મુજબ ફિલ્મમાં સલમાન ખાન એવા સુપરહીરોના પાત્રમાં જોવા મળશે જે દુનિયાને બચાવવાની જવાબદારીથી થાકી ગયો છે અને નિવૃત્તિ લેવાની ઈચ્છા રાખે છે. પરંતુ પરિસ્થિતિઓ તેને ફરી એકવાર એક મોટા સંઘર્ષમાં ખેંચી લાવે છે. ફિલ્મમાં એક્શન સાથે કોમેડીનો મિશ્રણ જોવા મળશે, જે હોલીવુડની ફિલ્મ “Hancock” જેવી શૈલીથી પ્રેરિત હોવાનું માનવામાં આવે છે.
આ ફિલ્મ માટે છેલ્લા કેટલાક મહિનાથી ચર્ચાઓ ચાલી રહી છે અને સ્ક્રિપ્ટ પર કામ ચાલુ છે. માહિતી મુજબ જો બધું યોગ્ય રીતે આગળ વધે તો ફિલ્મનું શૂટિંગ નવેમ્બર 2026થી શરૂ થવાની શક્યતા છે. ફિલ્મનું નિર્માણ Mythri Productions અને Reel Life Entertainment દ્વારા કરવામાં આવી શકે છે.
આ ફિલ્મ બની જાય તો તે સલમાન ખાન અને રાજ-ડીકેની પ્રથમ સાથેની ફિલ્મ હશે. સુપરહીરો શૈલીમાં સલમાન ખાનને જોવા માટે ચાહકોમાં અત્યારથી જ ઉત્સુકતા જોવા મળી રહી છે.
સલમાન ખાન હવે સુપરહીરો બનશે? રાજ અને ડીકેની નવી ફિલ્મમાં જોવા મળશે નવો અવતાર
