નવી દિલ્હી: ઇન્કમ ટેક્સ સંબંધિત એક મહત્વપૂર્ણ કેસમાં ઇન્કમ ટેક્સ એપિલેટ ટ્રિબ્યુનલ (ITAT) એ મોટો ચુકાદો આપ્યો છે. વોટ્સએપ ચેટના આધારે લગાવવામાં આવેલ લગભગ 22.5 કરોડ રૂપિયાનો ટેક્સ એડિશન ટ્રિબ્યુનલ દ્વારા રદ કરવામાં આવ્યો છે.
શું છે સમગ્ર મામલો?
આ કેસ 6 જાન્યુઆરી 2021ના રોજ એક રિયલ એસ્ટેટ ગ્રુપ પર થયેલી સર્ચ કાર્યવાહી સાથે જોડાયેલો છે. તપાસ દરમિયાન એક તૃતીય વ્યક્તિના મોબાઇલમાંથી વોટ્સએપ ચેટ, લિફાફાના ફોટા અને કેટલીક ડિજિટલ શીટ્સ મળી આવી હતી.
આ ડેટાના આધારે ઇન્કમ ટેક્સ વિભાગે આરોપ મૂક્યો હતો કે સંબંધિત વ્યક્તિએ લગભગ 22.5 કરોડ રૂપિયાનું કેશ રોકાણ કર્યું હતું અને તેના પર વ્યાજ પણ કમાયું હતું.
દસ્તાવેજો વગરનો કેસ
ટેક્સપેયરે આ તમામ આરોપોને નકારી કાઢ્યા હતા અને જણાવ્યું હતું કે:
-
કોઈ સત્તાવાર એગ્રીમેન્ટ નહોતું
-
કોઈ બેંક ટ્રાન્ઝેક્શન ટ્રેલ નહોતી
-
કોઈ સહી કરેલા દસ્તાવેજો નહતા
આથી સમગ્ર કેસ માત્ર વોટ્સએપ ચેટ અને થર્ડ પાર્ટીના ડેટા પર આધારિત હતો.
ITAT શું કહ્યું?
ટ્રિબ્યુનલએ પોતાના નિર્ણયમાં મહત્વપૂર્ણ મુદ્દાઓ નોંધ્યા:
-
વોટ્સએપ ચેટ્સમાં સ્પષ્ટતા અને સંદર્ભનો અભાવ હતો
-
ફોટા અને શીટ્સ અનસાઇન અને ઓથેન્ટિકેશન વગરની હતી
-
કોઈ પણ ટ્રાન્ઝેક્શનનો પક્કો પુરાવો રજૂ કરવામાં આવ્યો નહોતો
-
સંબંધિત વ્યક્તિઓએ પણ કોઈ લેવડદેવડની પુષ્ટિ કરી નહોતી
આથી ITATએ કહ્યું કે માત્ર ડિજિટલ ચેટ અથવા સ્ક્રીનશોટના આધારે ટેક્સ જવાબદારી નક્કી કરી શકાતી નથી.
