રાજકોટઃ જસદણના નવા બસ સ્ટેન્ડ પાસે યુવકને લાગ્યો વીજ કરંટ
રાજકોટ જિલ્લાના જસદણમાં નવા બસ સ્ટેન્ડ નજીક વીજ કરંટ લાગવાની ગંભીર ઘટના સામે આવી છે. આનંદનગર વિસ્તારમાં રમેશ ગોહિલ નામનો યુવક અચાનક વીજ ટ્રાન્સફોર્મર પર ચડી ગયો હતો. દરમિયાન તેને જોરદાર વીજ કરંટ લાગતા યુવક ગંભીર રીતે દાઝી ગયો હતો. ઘટનાની જાણ થતાં તાત્કાલિક વીજ પુરવઠો બંધ કરવામાં આવ્યો હતો અને બાદમાં યુવકને સુરક્ષિત રીતે નીચે ઉતારવામાં આવ્યો હતો. ઇજાગ્રસ્ત યુવકને સારવાર માટે હોસ્પિટલ ખસેડવામાં આવ્યો હોવાનું જાણવા મળી રહ્યું છે.
