🎬 બોર્ડર 2ની બોક્સ ઓફિસ કમાણીમાં મોટો ઘટાડો
મુંબઇ – તાજેતરમાં રિલીઝ થયેલી સની દેઓલ, વરુણ ધવન, દિલજીત દોસાંજ અને અહાન શેટ્ટી અભિનીત ફિલ્મ બોર્ડર 2એ શરૂઆતના દિવસોમાં બોક્સ ઓફિસ પર ધમાકેદાર કમાણી કરી હતી. રિપબ્લિક ડેના લાંબા વીકએન્ડ દરમિયાન ફિલ્મને દર્શકોનો સારો પ્રતિસાદ મળ્યો અને ચાર દિવસમાં જ રેકોર્ડ તોડ કમાણી નોંધાઈ હતી.
પરંતુ રજાઓ પૂર્ણ થતાં જ ફિલ્મની આવકમાં અચાનક મોટો ઘટાડો જોવા મળ્યો છે. પાંચમા અને છઠ્ઠા દિવસે કમાણીમાં ભારે ગિરાવટ નોંધાતા ફિલ્મની ગતિ ધીમી પડી હોવાનું સ્પષ્ટ થયું છે. શરૂઆતની તેજ ગતિ બાદ હવે સામાન્ય કામકાજના દિવસોમાં દર્શકોની સંખ્યા ઘટી છે.
- હાલ સુધીમાં ફિલ્મની કુલ કમાણી નોંધપાત્ર સ્તરે પહોંચી છે, પરંતુ વીક ડેઝ દરમિયાન આવકમાં આવેલા ઘટાડાને કારણે હવે આગામી દિવસો ફિલ્મ માટે મહત્વપૂર્ણ બની ગયા છે. ટ્રેડ એનાલિસ્ટ્સના મતે, આવનારા વીકએન્ડ અને મોઢે મોઢે પ્રસિદ્ધિ પર આધાર રહેશે કે ફિલ્મ લાંબા ગાળે બોક્સ ઓફિસ પર કેટલો મજબૂત દેખાવ કરી શકે છે.
