વડોદરામાં અસામાજિક તત્વોનો આતંક, વેપારીઓમાં ભય
વડોદરાના જાબુવા બાયપાસ પાસે આવેલી દુકાનોમાં અસામાજિક તત્વોએ મારામારી બાદ હથિયારો સાથે ફરી હુમલો કરી ભારે હોબાળો મચાવ્યો હતો. ઘટનાથી વેપારીઓ અને સ્થાનિકોમાં ભયનો માહોલ ફેલાયો છે. ડાયલ 112ની ટીમ સ્થળ પર પહોંચી હતી, પરંતુ સ્થાનિકોના આક્ષેપ મુજબ આરોપીઓની અટકાયત કર્યા વિના જ પોલીસ પરત ફરી હતી. હવે સમગ્ર મામલે પોલીસની કાર્યવાહી પર સૌની નજર છે.
આગામી દિવસોમાં રાજ્યને ઘમરોળશે મેઘરાજા
ગુજરાતમાં આગામી દિવસોમાં વરસાદી માહોલ વધુ સક્રિય બનવાની શક્યતા છે. હવામાન વિભાગે રાજ્યના અનેક વિસ્તારોમાં ભારે વરસાદની આગાહી સાથે યલો અને ઓરેન્જ એલર્ટ જાહેર કર્યું છે. આજથી 5 જુલાઈ સુધી દક્ષિણ ગુજરાત અને સૌરાષ્ટ્ર સહિત વિવિધ વિસ્તારોમાં કડાકા-ભડાકા, વીજ ગર્જના અને 40થી 50 કિલોમીટર પ્રતિ કલાકની ઝડપે પવન સાથે વરસાદ પડી શકે છે. દરિયાકાંઠાના વિસ્તારોમાં રહેતા લોકો, ખેડૂતો અને સંબંધિત અધિકારીઓને જરૂરી સાવચેતી રાખવા સૂચના આપવામાં આવી છે.
